Кинематография агентлиги буюртмасига биноан “Ёшлик” киностудияси томонидан “Ўзбекча эртак” (“An uzbek tale”) қисқа метражли фильми суратга олинди.
Унинг постановкачи режиссёри — Селеста Галлиот-Долле, оператори эса Бенжамин Гринанд.
Қайд этилишича, мазкур кинокартина “Ипак йўли дурдонаси” Тошкент халқаро кинофестивали дастуридаги “Кино 5 кунда” ёш режиссёрлар лойиҳасида франциялик ижодкорлар билан бирга яратилган.
“Ўзбекча эртак” фильмида бош қаҳрамон ўз хаёлларига берилган қиз Гавҳар тақдири ҳақида бўлиб, унинг ҳаётига бир нотаниш йигит кириб келади ва тақдири буткул ўзгариб кетади.
