1

Туркий тилли давлатлар кинофестивалида Ўзбекистон 3 та мукофотни қўлга киритди

ЖАМИЯТ 13.11.2021, 13:31
Теглар: халқаро кинофестивал
Туркий тилли давлатлар кинофестивалида Ўзбекистон 3 та мукофотни қўлга киритди

8-12 ноябрь кунлари Туркияда “Коркут Ата” туркий тилли давлатлар халқаро кинофестивали бўлиб ўтди.

Мазкур кинофестивалда Рашид Маликовнинг Кинематография агентлиги буюртмасига биноан суратга олинган "Тутқунлик" фильми ҳайъат азоларининг махсус мукофоти билан тақдирланди. Али Ҳамроевнинг "Халқ жасорати" фильми эса ҳужжатли кино йўналишида иккинчи ўринни қўлга киритди. Шунингдек, Кинематография агентлиги Бош директори Фирдавс Абдухолиқов "Туркий дунё маданиятига қўшган ҳиссаси учун" мукофоти билан тақдирланди.

Кинофестиваль ҳайъят раиси Месуд Учакан ўзбек фильмларидаги гуманистик ғояларни олқишлашди: “Ўзбек фильмларининг гуманизм ғояларини илгари суриши бизга жуда ёқди. “Меҳр” операцияси ҳақида суратга олинган "Тутқунлик" фильми алоҳида олқишга лойиқ. Ўзбекистон Республикаси Президентининг уруш кечаётган ерлардан ўз фуқароларини қайтариш бўйича кўрсатган ташаббусини алоҳида эътироф этган бўлардим. Бу улкан инсонийлик ва гуманистик лойиҳадир”-деди ҳайъат раиси...

Ўзбекистон кинематография агентлиги Бош директори Фирдавс Абдухолиқов: "Мазкур мукофот сўнгги 5 йил давомида Ўзбекистонда олиб борилаётган кино ислоҳотларига катта баҳо деб биламан. Мазкур ислоҳотлар бевосита ҳурматли президентимиз Шавкат Мирзиёев билан боғлиқ. Уларнинг барчаси Президентимиз ташаббуслари натижасидир. Мазкур мукофот ўзбек киноижодкорлариникидир. Чунки буни ортида жуда катта жамоа ва ҳамжиҳатликдаги меҳнат турипти. Уларга ўз миннатдорчилигимни билдираман", дея таъкидлади.

Туркия маданият ва туризм вазири Аҳмет Демиркан ҳамкорлик ҳақида сўзлади: “Эндиликда биз Ўзбекистон Кинематография агентлиги билан алоқаларни ўрнатамиз, ҳамкорликда халқаро кинолойиҳалар ишлаймиз. Ўйлайманки, бу ҳамкорлигимиз катта натижалар беради”

 

Шунингдек фестиваль давомида ўзбек киноси куни ўтказилиб, "Тутқунлик", "Халқ жасорати" фильмларидан ташқари Жаҳонгир Ахмедовнинг "Илҳақ" картинаси премьераси бўлиб ўтди. Шу билан бирга, Туркия телеканалларида ўзбек фильмлари намойиши этилди.

Кинофестиваль давомида ўзбек делегацияси томондан турли компаниялар билан ҳамкорлик келишувларига эришилди.

Кинофестивалнинг тақдирлаш маросимида Ўзбекистон Республикаси Маданият вазири Озодбек Назарбеков ҳам иштирок этди. Сўнгра, туркиялик ҳамкасби билан дуэт куйлади. Уларнинг чиқиши ташриф буюрганларда ёрқин таассурот қолдирди ва олқишларга сазовор бўлди.

Шарҳлар

Ўзбекистонда кино соҳаси бўйича халқаро конференция бўлиб ўтди

30.09.2021, 14:39

Ўзбекистон Президенти ташаббуси билан қайта тикланган «Ипак йўли дурдонаси» Тошкент халқаро кинофестивали доирасида кино соҳаси бўйича халқаро конференция ташкил этилди. Бутунроссия давлат кинематография институти Тошкент...
Дунё юлдузлари қандай кутиб олинди? Кинофестиваль қизил йўлагидан фоторепортаж

28.09.2021, 23:52

Узоқ кутилган Халқаро Тошкент кинофестивали – "Ипак йўли дурдонаси" ваниҳоят ўз ишини бошлади. Бугун, 28 сентябрь куни Алишер Навоий номидаги кино саройида дунё таниган кино...
Тошкентда халқаро кинофестиваль ўтказилиши муносабати билан 28 сентябрь куни айрим кўчалар маълум муддатга ёпилади

28.09.2021, 17:22

тошкентда "Ипак йўли дурдонаси" Тошкент халқаро кинофестивали ўтказилиши муносабати билан 28 сентябр куни соат 17.30дан 22.00 гача бир неча кўчаларда ҳаракатланиш чекланади. Бу ҳақда Тошкент...
Хусейн Озден: "Навоийни дунёга танитиш ҳар бир зиёлининг вазифасидир"

28.09.2021, 15:09

Бугундан старт олган Тошкент халқаро кинофестивали доирасида ҳужжатли кино кунлари олди матбуот анжумани бўлиб ўтди. Бу ҳақда "Darakchi.uz" мухбири хабар бермоқда. Кинофестиваль меҳмони туркиялик сценарист ва...
Об-ҳаво: Тошкент
Валюта курси
1