Ижтимоий тармоқларда ЙПХ автомобили иштирокида содир бўлган ЙТҲ хақида хабарлар тарқалди.
Ҳолат юзасидан ИИВ ЙҲХББ Матбуот хизмати маълумот берди.
Аниқланишича, бугун, 13 ноябрь куни соат 09:25 ларда Қашқадарё вилояти, Қарши шаҳри, Мустақиллик кўчасида ЙПХ ходими Қ.Бахромовга бириктирилган "Lacetti" русумли хизмат автомобили ҳамда ҳайдовчи Д.Х. бошқарувидаги "Nexia" русумли автомобиль иштирокида тўқнашув содир бўлган.
ЙТҲ натижасида тан жароҳати олган фуқаролар йўқ.
Мазкур ЙТҲ юзасидан Қарши шаҳар прокуратураси томонидан терговга қадар суриштирув ҳаракатлари олиб борилмоқда.
