Эрон жанубидаги Хормозган вилоятининг Фин шаҳрида 6,4 балли зилзила содир бўлди. Бу ҳақда IRNA агентлиги хабар берди.
Қайд этилишича, зилзила маркази 15 км чуқурликда жойлашган. Ер силкиниши Фин шаҳридан 25 километр шимолда ва Бендер Аббосдан 43 километр шимоли-ғарбда жойлашган.
Зилзила оқибатида 17 киши жароҳатланган. Кўплаб уйлар вайрон бўлган. Электр узатиш линиялари узилган. Аҳоли саросима туфайли ўзларини ташлаб чиққан.
