Кинематография агентлиги буюртмасига биноан Рашид Маликов режиссёрлигида суратга олинган “Тутқунлик” бадиий фильми Россияда ноябрь ойида бўлиб ўтадиган “Волоколамский рубеж” ҳарбий-ватанпарварлик кинофестивали дастуридан ўрин олди. Бу ҳақда Кинематография агентлиги Ахборот хизмати хабар бермоқда.
Мазкур кинокартина яқинда Туркиянинг “Коркут Ата” халқаро кинофестивалида иштирок этиб, ҳакамлар ҳайъатининг махсус совринига сазовор бўлган эди.
“Волоколамский рубеж” ҳарбий-ватанпарварлик кинофестивали жорий йилнинг 16-20 ноябрь кунлари Москва вилоятининг қадимги Волоколамск шаҳрида бўлиб ўтади.
Маълумот учун, 2018 йилда режиссёр Рашид Маликовнинг “Сабот” бадиий фильми мазкур кинофестивалнинг “Гран-при” совринига эга бўлган эди.
