Европанинг нуфузли нашрларидан бири барча даврларнинг энг сердаромад спортчилари рўйхатини эълон қилди. Айтиш керакки, тадқиқотчилар ушбу рейтингни шакллантириш пайтида спортчиларнинг шу кунга қадар ишлаб топган пуллари (маош, рекламадан келадиган пуллари ва бошқа жиҳатлари)ни ҳисоблаб чиқди. Қуйида бунга батафсил тўхталиб ўтишга қарор қилдик.
МАЙКЛ ЖОРДАН (БАСКЕТБОЛ)
ДАРОМАДИ: 2,62 МИЛЛИАРД ДОЛЛАР
Баскетбол оламининг қироли сифатида танилган Майкл Жордан шу вақтга қадар ишлаб топган пуллари рекорд даражага етган. Шуни қўшимча қилиш керакки, Жордан 1984 йилда спортдаги фаолиятини бошлаган. Шу вақтга қадар у 2,62 миллиард доллар ишлаб топган. Албатта, булар орасида реклама ва турли ҳомийлик ташкилотларидан келган даромадларни ҳам қўшиш мумкин.
ТАЙГЕР ВУДЗ (ГОЛЬФ)
ДАРОМАДИ: 2,18 МИЛЛИАРД ДОЛЛАР
Гольф – спорт турлари орасида энг бойи ҳисобланади. Чунки, аристократлар ёқтирадиган ушбу спорт турида жуда катта маблағлар айланади. Гольфнинг қироли эса сўзсиз АҚШлик Тайгер Вудз ҳисобланади. 1996 йилда спортдаги фаолиятини бошлаган Вудз шу вақтга қадар 2,18 миллиард доллар атрофида маблағни ишлаган ҳолда рейтингнинг 2-ўрнини эгаллади. Дарвоқе, у катта-катта компанияларнинг ҳам юзи ҳисобланиб, улар орқали ўз ҳисобини янада бойитиб олган.
КРИШТИАНУ РОНАЛДУ (ФУТБОЛ)
ДАРОМАДИ: 1,24 МИЛЛИАРД ДОЛЛАР
Футбол оламининг энг машҳур икки юлдузидан бири айнан Криштиану Роналду ҳисобланади. Роналду футболчилар орасида дастлабки миллиардер соҳибига айланганди. У бугунги кунда “Манчестер Юнайтед” сафида юқори маош эгасидир. Илгари “Реал” ва “Ювентус” клубларида ҳам Роналду моянаси катта бўлган. Қолаверса, реклама роликлари, ижтимоий тармоқлар туфайли ҳам португалиялик юлдузнинг даромади юқори ҳисобланади.
ЛОЙД МЕЙВЕЗЕР (БОКС)
ДАРОМАДИ: 1,2 МИЛЛИАРД ДОЛЛАР
Енгилмас боксчи сифатида танилган Флойд Мейвезер ўтмишда энг кўп даромад тўплаган чарм қўлқоп эгаси ҳисобланади. Доимо пулларини оммага кўз-кўз қилишни ёқтирадиган Флойднинг даромади 1,2 миллиард долларга баҳоланган. Фаолиятини якунлаганидан кейин асосан пул тўланадиган бокс кечаларида жанг қилиб, бойлигини кўпайтирмоқда. 2022 йилда ҳам у бир нечта “ёғли” жанг кечаларида рингга кўтарилиши кутилмоқда.
ЛИОНЕЛЬ МЕССИ (ФУТБОЛ)
ДАРОМАДИ: 1,14 МИЛЛИАРД ДОЛЛАР
Аргентиналик Лионель Мессининг даромади 1,14 миллиард долларни ташкил қилмоқда. У “Барселона”да тўп сурган йилларида дунёнинг энг кўп маош олувчи футболчиси ҳисобланарди. “ПСЖ” ўтганидан сўнг маоши бироз қисқарган бўлса-да, у турли реклама ташкилотларидан яхшигина гонорарга эга ҳисобланади.
МИХАЭЛЬ ШУМАХЕР (ФОРМУЛА 1)
ДАРОМАДИ: 1,13 МИЛЛИАРД ДОЛЛАР
Собиқ “Формула-1” пилоти германиялик спортчи Михаил Шумахернинг бойлиги 1,13 миллиард долларга баҳоланган. Бироқ Шумахер жиддий талофат кўрганидан сўнг бойлигининг кўп қисмини соғлиғини тиклаш учун сарфлаб юборганди. Ҳаттоки, унинг айрим қўлга киритилган медаллари ҳам аукционга қўйилгани ва ундан тушадиган пуллар Михаилнинг даволаниш курсларига сарфланиши айтилганди.
РОЖЕР ФЕДЕРЕР (ТЕННИС)
ДАРОМАДИ: 1.12 МИЛЛИАРД ДОЛЛАР
Теннис афсоналаридан бири бўлган Рожер Федерер рейтингнинг10-ўринни эгаллади. Швейцариялик спортчи шу вақтгача 1,12 миллиард доллар ишлаб топган. Кўплаб ютуқлар ортидан даромад топган Рожер, реклама роликлари туфайли ҳам ўз бойлигини ошириб борган. У дунёга машҳур соатлар рекламасидан яхшигина гонорарга эгадир.
Иззатбек АБДУВАҲОБОВ
