“Толибон” ҳаракати Афғонистонда фаолият юритаётган телеканаллар учун янги қоидаларни жорий этди. Бу ҳақда Риа Новости хабар берди.
Қайд этилишича, мамлакатда аёллар иштирокидаги сериаллар, шариат қоидаларига мос келмайдиган кино ва кўрсатувлар намойиш этиш тақиқланди. Шунингдек, аёллар ва эркаклар ярим яланғоч ҳолда бўлган клиплар ҳам кўрсатилишига рухсат берилмайди.
Кўнгилочар кўрсатувлар аҳолининг диний туйғусини камситмаслигини таъмилаш асосий вазифа сифатида белгиланди.
Манбада айтилишича, журналист ва бошловчи аёллар кадрда рўмол ўраган бўлиши лозим.
