“Ёшлик” киностудияси томонидан “Тошкентга йўл” (“Road to Tashkent”) қисқа метражли фильми суратга олинди. Бу ҳақда Кинематография агентлиги хабар берди.
Қайд этилишича, унда постановкачи режиссёр Караш Жанышов, оператор Чингиз Сулумбеков.
"Мазкур кинокартина “Ипак йўли дурдонаси” Тошкент халқаро кинофестивали дастуридаги “Кино 5 кунда” ёш режиссёрлар лойиҳасида қирғизистонлик ижодкорлар билан бирга" яратилган дея алоҳида таъкидланади хабарда.
Таъкидланишича, “Тошкентга йўл” қисқа метражли фильми ёш актёр Шокир ҳақида бўлиб, бир куни унга катта кинокомпаниядан қўнғироқ бўлади ва фильмга таклиф этишади. Шокир ўз карьерасини бошлаш учун Тошкентга йўл олади.
