Бироз муддат аввал ёшлар ўртасида кечган IV Пара Осиё ўйинларида пара таэквондо баҳслари ўз ниҳоясига етди.
Туризм ва спорт вазирлигининг хабар беришича, эркаклар ўртасида 44-классда 3 нафар ўзбекистонлик спортчи иштирок этган ва уларнинг барчаси шоҳсупага кўтарилган.
Қайд этилишича, спортчилар иккита олтин ҳамда битта бронза медалини қўлга киритишган. Жумладан, -58 кг вазн тоифасида Қудратилло Шоназаров ҳамда -70 кг вазн тоифасида Асилбек Ҳусанов олтин медалга эга чиққан бўлса, -63 кг вазн тоифасида Қудрат Ҳайдаров бронза медалига сазовор бўлган.
Эслатиб ўтамиз, ҳозирча Ўзбекистон делегацияси ҳисобида 6 та олтин, битта кумуш ҳамда 4та бронза медали мавжуд.
