Бугун Киночилар уйида “Инсон” кўп қисмли ҳужжатли фильмининг премьераси ўтказилди. Мазкур кинокартина Кинематография агентлиги ҳамда “Spectre” студияси томонидан суратга олинган бўлиб, унда сўнгги беш йилда Ўзбекистон Республикаси Президенти Шавкат Мирзиёев томонидан олиб борилган ислоҳотлар ҳақида ҳикоя қилинади. Бу ҳақда Кинематография агентлиги Ахборот хизмати хабар бермоқда.
Агентлик бош директорининг биринчи ўринбосари Шуҳрат Ризаев премьера аввалида ҳужжатли кино соҳасида амалга оширилган ишларга тўхталди. Шунингдек, у 8 декабрь - Ўзбекистон Республикаси Конституцияси қабул қилинган кун муносабати билан ташкил этилган намойиш томошабинларга байрам туҳфаси сифатида тақдим этилганини алоҳида таъкидлади.
Сценарий муаллифи ва постановкачи режиссёр Фурқат Усмонов, операторлар Жаҳонгир Ибрагимов, Азизбек Норматов, продюсер Давронхўжа Абдуғаниев, бош продюсер Фирдавс Абдухолиқов.
