ЖССТ эксперти С.Мас-Команинг таъкидлашича, коронавируснинг омирон штамми халқаро ҳаво қатнови сонининг кўпайиши туфайли тез тарқалмоқда.
Унинг сўзларига кўра, янги штамм ҳам “дельта” каби юқумли бўладими ёки йўқлигини айтиш қийин. Шу билан бирга, вирусда топилган мутациялар янада қаттиқроқ эпидемия чораларини жорий қилиш учун етарли.
ЖССТ экспертига кўра, омикрон билан касалланганларнинг аксарияти касаллик симптомсиз ёки енгил шаклда бўлган, аммо олинган маълумотлар фақат ёшларнинг касаллик тарихига асосланган. Омикрон штаммининг қарияларга таъсири ҳақида маълумот кам.
Шу билан бирга, Мас-Кома ниқоб тақишни давом эттириш, ижтимоий масофани сақлаш, одамлар гавжум жойлардан узоқроқ бўлиш ва вакцинанинг учинчи дозаси билан эмланишга чақирди.
