Жорий йилнинг 12-18 декабрь кунлари Анқара ва Истанбул шаҳарларида Ўзбекистон маданият кунлари ўказилади. Бу ҳақда Маданият вазирлиги хабар бермоқда.
Маданият вазирлиги ҳамда Туркия Республикаси Маданият ва туризм вазирлиги билан ҳамкорликда ташкил этилган мазкур тадбирда ўзбек санъаткорлари иштирокида концерт ҳамда "Ўзбекистон - Буюк ипак йўлида" номли фотокўргазма ташкил этилади.
Ушбу тадбирларни ташкил этишдан мақсад ҳар икки давлатда ўзбек ва турк халқлари санъати ҳамда маданиятини тарғиб этиш, дунё ҳамжамиятига намойиш этишдан иборат.
