Ҳодиса оқибатида дўконларнинг 100 кв.м майдони ёниб зарарланган.
ФВВ қутқарувчилари Самарқанд вилояти Ургут туманидаги кийим-кечак бозорида содир бўлган ёнғинни бартараф этдилар.
Вазирлик хабарига кўра, бугун, 24 декабрь куни соат 09:10 да "Мерганча" МФЙ ҳудудида жойлашган "Ургут кийим-кечак" бозорининг 6 та дўконида ёнғин содир бўлди.
Қайд этилишича, воқеа жойига Фавқулодда вазиятлар вазирлигининг вилоят бошқармасидан 6 та ёнғин ўчириш экипажи зудлик билан етиб борган. Ёнғин соат 09:27 да қуршаб олиниб, 10:14 да тўлиқ бартараф этилган.
"ФВВ ходимларининг тезкор ҳаракатлари натижасида воқеа содир бўлган жойдаги бошқа дўконларга ёнғин ўтишининг олди олинди",-дейилади хабарда.
Таъкидланишича, ёнғин оқибатида жабрланганлар ва қурбонлар йўқ.
