Байрам арафасида Маданият вазири Озодбек Назарбеков маданият ва санъат соҳасида фидокорона хизмат қилган фахрийларни йўқлади.
"Хусусан, Ўзбекистон халқ артисти, ўзбек театри онахони Тўти Юсупова, ўзбек цирк санъати дарғаси, 100 ёшни қоралаб қолган Ҳаким Зарипов каби улуғ инсонларнинг суҳбатини олиб кўнглимиз ёришди.
Шунингдек, марҳум Ўзбекистон халқ артисти Мирза Азизовнинг хонадонида бўлиб, устоз санъаткорни хотирлаб, байрам билан қутладик.
Бу каби дийдорлашув, кўнгилни обод қилиш каби эзгу ишлар, ҳаётни гўзал, оламни мунаввар қилади" дейди вазирнинг ўзи.
