Ўзбекистон Президентининг Қарори билан, 2022 йил 1 январдан бошлаб 35 та етакчи давлат олий таълим муассасаларига молиявий мустақиллик берилди.
Олий ва ўрта махсус таълим вазирлиги ахборот хизмати хабарига кўра, молиявий мустақил ОТМлар:
➖ таълим хизматлари бозоридаги талабни инобатга олган ҳолда тўлов-контракт асосида ўқитиш қийматини белгилаш;
➖ талабаларнинг тўлов-контракт маблағларини тўлаш муддатларини белгилаш ва узайтириш;
➖ ўз маблағлари ҳисобидан талабалар учун стипендия ва грантлар ажратиш ҳуқуқига эга.
Тиббиёт олий таълим муассасаларига эса уларнинг клиникаларида моддий-техник базани мустаҳкамлаш, шунингдек, капитал ва жорий таъмирлаш ишларини амалга ошириш учун ўзларининг буджетдан ташқари маблағлари ҳисобидан зарур маблағлар сарфлашга рухсат берилди.
