Ўзбекистон кинематография агентлиги, Бутунроссия давлат кинематография институти (VGIK)нинг Тошкент филиали ҳамда “Ҳужжатли ва хроникал филмлар студияси” ДУК билан ҳамкорликда “Матонат мактаби” лойиҳаси бўйича филмларни суратга олиш ишлари давом этмоқда.
Бунда Токио-2020 Паралимпия ўйинлари ғолиб ва совриндорларининг ҳаёти ҳамда спортдаги фаолиятига доир 5 қисмдан иборат ҳужжатли кинокартиналар яратилади. Лойиҳа доирасида “Маҳоратли Ҳусниддин”, “Элбекнинг ғурури”, “Нафисанинг фахри”, “Қатъиятли Ислом”, “Ўрнак кўрсатган Шоҳсанам” каби филмлар тайёрланади.
Куни кеча “Ўрнак кўрсатган Шоҳсанам” номли ҳужжатли филмни суратга олиш ишлари бошлаб юборилди. Унда моҳир сузувчимиз, Рио-2016 Паралимпия ўйинлари (2 карра) ҳамда Токио-2020 Паралимпия ўйинлари бронза медали соҳибаси Шоҳсанам Тошпўлатова ҳақида ҳикоя қилинади.
Ссенарий муаллифлари – Бахтиёр Каримов, Сабоҳат Жўраева, режиссёр – Бахтиёр Каримов, оператор – Самижон Суннатиллаев, овоз режиссёри – Шаҳзод Тўхтамуродова, муҳаррир – Умида Яхшибоева, филм директори – Озодбек Эргашев, бадиий раҳбар Ҳамидулла Ҳасанов.
Шунингдек, Ўзбекистон кинематография агентлиги томонидан параллел равишда “Маҳоратли Ҳусниддин”, “Элбекнинг ғурури”, “Нафисанинг фахри” ҳамда “Қатъиятли Ислом” номли ҳужжатли филмларни тасвирга олиш ишлари ҳам давом этмоқда.
