Исроилда пандемия бошланганидан буён энг юқори кўрсаткич қайд этилди. Охирги суткада мамлакатда 71 мингдан ортиқ кишида коронавирус инфекцияси аниқланди. Бу ҳақда The Times of Israel хабар бермоқда.
Қайд этилишича, бу кўрсаткич пандемия даврида рекорд даражага айланди. Яъни, бир кунда 71,5 минг киши касалликни юқтириб олган. Соғлиқни сақлаш мутахассисларининг фикрича, Исроилда коронавирус билан боғлиқ ҳолатлар янада ортиши тахмин қилинмоқда.
Маълумот учун, пандемия бошланганидан буён Исроилда 1,7 миллиондан ортиқ киши касалликни юқтириб олган, 8,3 минг киши вафот этган.
