Sevimli

Расман! “Севимли” телеканалида “Сабрия” сериали бўйича жиддий чоралар кўрилди

ЖАМИЯТ 20.01.2022, 14:31
Расман! “Севимли” телеканалида “Сабрия” сериали бўйича жиддий чоралар кўрилди

Бугун, 20 январь куни “Севимли” телеканали таъсисчиларининг умумий йиғилиши бўлиб ўтди. Йиғилишга Кинематография агентлиги бош директори Ф.Абдухолиқов таклиф қилинди.

Йиғилишда ташкилий масалалар кўриб чиқилди. Канал Кузатув кенгаши раиси вазифасини бажарувчи этиб жамоатчилик асосида Ф.Абдухолиқов сайланди.

Таъсисчиларнинг қарори билан Бош директори вазифасини бажарувчи А.Хўжаев ва бош муҳаррир Қ.Сайдалиев ўз вазифасидан озод этилди.

Йиғилишда шу пайтга қадар ЎзЭОАВМА бош директори лавозимида ишлаб келаётган Ж.Сафоев канал бош директори вазифасига тайинланди.

Йиғилишда сўзга чиққан, Ф.Абухолиқов, канал эфирига узатилган “Сабрия” сериалини бадиий савиясини танқид остига олиб, “биз телеканал мухлислари ва жамоатчиликдан узр сўраймиз ва келгусида янги тайинланган бош директор, нафақат сериаллар, қолаверса барча медиа маҳсулотларнинг ғоявий-бадиий жиҳатларига масъул эканлигини уқтирган ҳолда, барча чора- тадбирларни ишлаб чиқиши зарур”, -деб таъкидлади кузатув кенгаши раҳбари.

Эслатиб ўтамиз, сал аввал миллий сериаллар бўйича Кинематография агентлиги бош директори Ф.Абдухолиқов муносабати эълон қилинган эди. 

Шарҳлар

Кун мавзуси: коронавирус
Об-ҳаво: Ташкент
+14.56° небольшой дождь
Валюта курси
11088.20
USD -42.37
11642.61
EUR -71.2
177.91
RUB 2.69
1