Андрей Шевченко Польша терма жамоаси бош мураббийи сифатида фаолият юрита олмаслиги мумкин. Бу ҳақда украиналик журналист Игорь Циганик маълум қилди.
Унга кўра, 45 ёшли мутахассис "Женоа" билан шартномасини бекор қилиш бўйича ҳалигача келиша олмаган. У клуб томонидан истеъфога чиқарилган бўлса-да, шартномаси ўз кучини йўқотмаган. Бунга "Женоа"нинг таклиф қилаётган компенсация пули Андрейга маъқул келмагани сабаб бўлиши мумкин.
Польша Футбол Федерацияси Жаҳон чемпионати саралаш плей-офф босқичи олдидан терма жамоага тажрибали мутахассис таклиф қилиш ва бу борада Шевченко билан келишувга эришгани бўйича хабар берган эди.
