Қозоғистон президенти Қосим-Жўмарт Тўқаев "Хабар" телеканалига берган интервьюсида икки муддатдан ортиқ президент сифатида сайланмаслиги ҳамда Конституция ўзгартирилмаслигини маълум қилди.
"Биз жамиятдаги сиёсий ўзгаришлар билан ҳам, иқтисодий ўзгаришлар билан ҳам шуғулланишимиз керак. Бу менинг миссиям. Ҳар ҳолда, мен қанча вақт Қозоғистон президенти бўлишимни билмайман, лекин Конституцияга мувофиқ икки муддатдан кўп эмас. Президентликда қолиш учун қонунлар қайта ёзилмайди, бундан ташқари, Конституция ҳам ўзгартирилмайди”, деб ваъда берди Токаев “Хабар” телеканали журналистига берган интервюсида.
Шунингдек, у аввал бўлиб нарсаларни танқид қилмаслик кераклигини маълум қилди:
"Аввал бўлган нарсаларни танқид қилмайлик. Ахир, бу бизнинг тарихимиз. Лекин менинг Президент сифатидаги вазифам, менимча, ҳали ҳам бутун жамиятни ўзгартиришда ижобий натижаларга эришишдир. Қозоғистон халқига мурожаат билан биринчи нутқимда мен сиёсат ва иқтисод бирга бўлишини айтдим, тарихий воқеликда биз энди иқтисод билан шуғулланамиз, сиёсат эса кутамиз дейишнинг иложи йўқ.”, - деди Токаев.
