Россиялик актёр Леонид Куравлев вафот этди. Бу ҳақда "Афиша.ру" хабар бермоқда.
Хабарда айтилишича, актёр январь ойи бошида коронавирус инфекцияси билан Москва шаҳар клиник шифохонасига ётқизилган. Унинг ўғли Василийнинг хабар беришича, актёрда коронавирус тести салбий натижа кўрсатган.
17 январь куни рассом реанимацияда ётгани ҳақида хабар берилган эди. Шифокорлар беморда нафас олиш тизимининг зарарланиши аниқлаган. Бундан ташқари, Куравлевга қон томирларига таъсир қилувчи ва мияда қон айланишининг бузилишига олиб келадиган сереброваскуляр касаллик ташхиси қўйилган.
Маълумот учун: Леонид Куравлев - таниқли актёр, РСФСР халқ артисти. У "Вий", "Бундай йигит яшайди", "Иван Василевич касбини ўзгартиради", "Афоня" ва бошқа совет филмларида ўйнаган.
