Зеленский Украина аҳолисига мурожаат йўллаб, 16 феврални "Украина бирлиги куни" деб белгилашни таклиф қилди.
"Буюк мамлакатнинг буюк одамлари! Бизга 16 февраль ҳужум куни бўлишини айтишди. Биз буни бирлик куни қиламиз. Шу куни давлат байроқларини илиб, кўк ва сариқ ленталарни тақиб, бирдамлигимизни бутун дунёга намойиш этамиз", — дейди у.
Украина раҳбари бутун қитъанинг хавфсизлиги Украина ва унинг армиясига боғлиқлигини айтди. Унинг таъкидлашича, Киев тинчликка интилади ва барча масалаларни фақат музокаралар йўли билан ҳал қилмоқчи.
Шунингдек, Владимир Зеленский мамлакатни тарк этган ёки кетишни режалаштирган барча давлат хизматчиларига ҳам мурожаат қилиб, уларни 24 соат ичида қайтишга чақирди, чунки халқ уларга "мамлакатни бошқариш ва уни ҳимоя қилишни" ишониб топширган.
"Мен давлатнинг барча вакилларига, давлат хизматчиларига, барча даражадаги халқ депутатларига мамлакатни тарк этган ёки яқин орада кетишни режалаштираётганларга мурожаат қиламан. Украина халқи сизга нафақат давлатни бошқаришни, балки уни ҳимоя қилишни ҳам ишониб топширган, бундай вазиятда биз билан, украин халқи билан бирга бўлиш сизнинг бевосита бурчингиздир. Энди сизни 24 соат ичида ватанингизга қайтишга ва Украина армияси, дипломатиямиз, халқимиз билан елкама-елка туришга таклиф қиламан", деди Зеленский душанба куни Телеграмъдаги каналида эълон қилган видеомурожаатида.
Эслатиб ўтамиз, аввалроқ Германия канцлери Украинага келиб, Зеленский билан музокаралар олиб боргани ҳақида ёзган эдик.
