Австрия ҳукумати 5 мартдан бошлаб коронавирус чекловларининг аксарият қисмини бекор қилишга қарор қилди. Бу ҳақда ORF телеканали хабар бермоқда.
Бундай қарор федерал штатлар ва Коронавирусга қарши кураш миллий ташкилоти (ГЕCКО) раҳбарлари билан учрашувдан сўнг қабул қилинди.
Хусусан, расмийлар 5 мартдан бошлаб эмлаш учун “яшил паспортлар”ни бекор қилишни, жамоат жойларига киришни чеклашни, тадбирлар сонига чекловларни режалаштирмоқда. Ресторанлар яна тунда очиқ бўлиши мумкин.
