Испаниялик режиссёр Карль Симоннинг "Алькаррас" ҳужжатли фильми 72-Берлин кинофестивалининг бош мукофоти – "Олтин айиқ"қа лойиқ деб топилди. Бу ҳақда "Интерфакс" хабар бермоқда.
Фильм Каталониянинг Алькаррас номли кичик қишлоғида 80 йил давомида шафтоли етиштирган фермерлар оиласи ҳақида ҳикоя қилади. Уларнинг ҳаёти уларнинг мулки жойлашган эрнинг эгаси вафот этганида ва унинг меросхўри болға остида ҳамма нарсани сотишга қарор қилганда ўзгаради. Шафтоли дарахтларини кесиш ва уларнинг ўрнига қуёш батареяларини ўрнатиш режалаштирилган. Катта оила шафтолининг сўнгги бор ҳосилини йиғиштириб, бир неча авлод ўсган ер билан хайрлашиш учун йиғилади.
Берлин кинофестивали Канн ва Венеция билан бир қаторда дунёдаги энг нуфузли кинофестиваллардан бири саналади ва 1951 йилдан бери ўтказиб келинмоқда. Кинофестивалнинг бош соврини – “Олтин айиқ” мукофоти ҳисобланади.
