Франция, Германия, Ирландия, Эстония, Албания ва Норвегия БМТда Россияни Донецк ва Луганск халқ республикаларини тан олмасликка чақириб, бундай қадам Минск келишувига зид эканини қайд этди.
"Ҳеч шубҳа йўқки, бундай қадам Украина суверенитети ва ҳудудий яхлитлигини бузади ва Минск келишувига мутлақо мос келмайди", дейди Франциянинг БМТдаги доимий вакили Николя де Ривьер.
Сешанба куни Россия Давлат думаси президент Владимир Путинга Донеск ва Луганск халқ республикаларини тан олиш илтимоси билан мурожаат қилган эди. Путин ушбу мурожаатга изоҳ берар экан, Донбасс муаммоларини ҳал қилиш бўйича барча чоралар кўрилиши кераклигини билдирган. У, шунингдек, қарор қабул қилишда россияликларнинг фикри инобатга олинишини таъкидлаган.
