Украина-Россия ўртасидаги музокараларнинг иккинчи раунди якунланди. Бу ҳақда ТАСС хабар бермоқда.
Қайд этилишича, Украина музокарада кутилган натижаларни олмаган. Бу ҳақда Украина президенти офиси раҳбарининг маслаҳатчиси Михаил Подоляк маълум қилди.
Аммо, томонлар тинч аҳолини эвакуация қилиш, озиқ-овқат ва дори-дармон етказиб бериш учун гуманитар йўлакларини биргаликда тақдим этиш бўйича келишувга эришган. Эвакуация қилинадиган жойларда ўт очишни тўхтаиш бўйича ҳам музокаралар ўтказилган ва томонлар келишувга эришган.
Томонлар тез орада музокараларнинг учинчи раундини ўтказишади. Катта эҳтимол бу келаси ҳафтада амалга ошиши кутилмоқда.
