Каталониянинг "Барселона" жамоаси "Spotify" билан ҳамкорлик бошланганини эълон қилди. Бу ҳақда клуб расмий сайти маълум қилди.
Қайд этилишича Швеция мусиқий стриминги эндиликда жамоанинг асосий бош ҳомийсига айланади. Шартнома 4 йилга мўлжалланган. Келишувга кўра, "Барселона" компаниядан тахминан 300 миллион евро олиши кутилмоқда.
"Spotify" логотипи "Барселона"нинг формаларида пайдо бўлади. Шунингдек, клубнинг уй стадиони ҳам номи ўзгаради. Эндиликда стадион "Spotify Камп Ноу" деб номланади.
