Қозоғистон президенти Қосим-Жомарт Токаев мамлакатда бошқарув шаклини ўзгартириш ва парламентга кўпроқ ваколатлар беришни таклиф қилди. Бу ҳақда у парламентнинг қўшма мажлисида халққа мурожаати чоғида маълум қилди.
"Бизга Қозоғистон тараққиётининг сиёсий моделини қайта қуриш бўйича пухта ўйланган қадамлар керак. Гап, биринчи навбатда, супер-президентлик бошқарув шаклидан кучли парламентга эга президентлик республикасига якуний ўтиш ҳақида кетмоқда", — деди Токаев.
Унинг фикрича, бундай тизим ҳокимият институтларининг оптимал мувозанатини таъминлайди ва мамлакатнинг барқарор ривожланишига хизмат қилади.
