Украинада бошланган ҳарбий юришлар оқибатида мамлакатни тарк этган қочқинлар сони 3,3 миллиондан ортган. Бу ҳақда БМТ олий комиссари бошқармаси маълумоти асосида Le Figaro хабар берди.
Қайд этилишича, яна 6,5 миллион киши мамлакатнинг бошқа ҳудудларига кўчирилган.
Қочқинларнинг асосий оқими Польшага келди. У ерга 2,01 миллиондан ортиқ украиналик келган. БМТ маълумотларига кўра, уларнинг кўпчилиги кейинчалик Европанинг бошқа давлатларига йўл олган.
Бундан ташқари, Руминияга 518 мингга яқин, Молдовага 359 минг, Венгрияга 299 минг, Словакияга 240 минг, Беларусга 2548, Россияга 184 мингга яқин украиналик қочқин келган.
