"Реал" ҳужумчиси Карим Бензема "Эль-Класико"да жамоасига ёрдам бера олмаслиги маълум бўлди. Бу ҳақда клуб расмий сайти маълум қилди.
Қайд этилишича, 34 ёшли франциялик ҳужумчининг оёқ мушакларидан олган жароҳатидан тузалиб, тикланишга улгурмаган. Натижада, Анчелотти ушбу футболчи хизматидан фойдалана олмаслиги маълум қилинди.
Маълумот учун, "Эль-Класико" 20 март куни соат 01:00да Мадриддаги "Сантяго Бернабеу" стадионида бошланади.
