Тожикистонда коронавирусга қарши ўрнатилган барча чекловлар бекор қилинди. Бу ҳақда Мир24 хабар бермоқда.
Қайд этилишича, мазкур қарор СOVID-19 профилактикаси ва унга қарши кураш бўйича Республика штаб-квартираси томонидан тасдиқланган.
Хусусан, жамоат жойларида ниқоб тақишнинг мажбурий режими бекор қилинди. Бундан ташқари, Тожикистоннинг Ўзбекистон билан давлат чегарасидаги назорат-ўтказиш пунктлари ҳам нормал режимга ўтмоқда. Мамлакатга кириш учун COVID-19 га қарши тўлиқ эмланганлик сертификатини тақдим этиш кифоя.
МДҲга аъзо давлатларнинг тиббиёт муассасалари томонидан берилган ҳужжатлар тан олинади. Эндиликда республика ҳудудида қўшимча текширувлардан ўтиш шарт эмас.
