Украинадаги уруш дунёда оммавий очарчиликка ва глобал озиқ-овқат тизимининг қулашига олиб келиши мумкин. Бу ҳақда БМТ Бош котиби Антониу Гутерриш маълум қилди.
"Украинадаги уруш аллақачон таъминот занжирларини бузмоқда ва ёқилғи, озиқ-овқат ҳамда транспорт нархларининг осмонга кўтарилишига олиб келмоқда. Биз очлик бўрони ва глобал озиқ-овқат тизимининг қулашига йўл қўймаслик учун ҳамма нарсани қилишимиз керак", деган у.
Ўз навбатида, Еврокомиссия Украинанинг ўзида очарчилик бўлиши мумкинлигидан огоҳлантирган.
