Уруш бошланганидан буён Украинада камида 10 миллион киши ўз уйларини тарк этган. Бу ҳақда БМТнинг қочқинлар масаласи бўйича олий комиссари Филиппо Гранди маълум қилди.
“Украинадаги уруш шу қадар ҳалокатлики, 10 миллион киши уйларини тарк этган. Яъни, айримлари бошқа мамлакатга қочқин сифатида йўл олган бўлса, айримлари тинч бўлган жойни танлаган", - деган у.
Бирлашган Миллатлар Ташкилотининг Қочқинлар бўйича Олий комиссари бошқармаси сайтида эълон қилинган статистик маълумотларга кўра, 19 март ҳолатига кўра, Украинани 3 миллион 389 минг 44 киши тарк этган. Шу билан бирга, улардан 2 050 392 нафари Польшага, 527 247 нафари Руминияга, 362 514 нафари Молдовага, 305 518 нафари Венгрияга йўл олган.
