"Ливерпуль" ҳужумчиси Муҳаммад Салоҳни сотиб олиш истагида бўлаётган жамоалар сони ортмоқда. Бу ҳақда La Gazette dello Sport маълум қилди.
Қайд этилишича, 29 ёшли футболчи хизматига "Ювентус" жамоаси ҳам қизиқмоқда. Туринликлар Салоҳ трансферини амалга ошириш йўлларини кўриб чиқишга тайёр.
Ўз навбатида мисрлик футболчи ҳам "Ливерпуль" билан янги шартнома бўйича келиша олмаяпти. Бу эса унга бўлган харидорларнинг ортишига сабаб бўлмоқда.
