Қозоғистон мусулмонлари идораси 2022 йилдаги Рамазон ойи 2 апрелдан бошланиб, 2 майга қадар давом этишини эълон қилди.
Бу ҳақда, бугун, 25 март куни Нурсултон шаҳрида мамлакат бош муфтийси Наврўзбай Тағанули раислигида ўтказилган Қозоғистон мусулмонлари идораси президиум йиғилишида маълум қилинган.
Қозоғистон муфтийсининг ўринбосари, шариат ва фатво бўлими бошлиғи Сансизбай Қурбон ўғлининг маълум қилишича, Рамазон ойининг бошланишига доир қарор Ўзбекистон ва Қирғизистон муфтиятлари билан келишув асосида қабул қилинган.
Шунингдек, қўшни Қозоғистон муфтияти Рамазон ҳайити 2 май санасида нишонланишини маълум қилган.
