Филиппинда коронавирусга қарши тўлиқ эмланган йўловчилар 1 апрелдан бошлаб мамлакатга махсус рухсатномасиз ҳам кириши мумкин. Бу ҳақда Manila Times хабар бермоқда.
Қайд этилишича, Филиппин президенти маъмурияти расмий вакили ўринбосари Крис Аблан бу бўйича тушунтириш берган. У янги қоидалар хорижликлар томонидан фақат коронавирусга қарши эмланганлик сертификатини тақдим этишни назарда тутишини маълум қилган.
12 ёшгача бўлган болалар учун сертификат талаб қилинмайди, лекин улар CОVID-19’га қарши тўлиқ эмланган ота-оналари билан саёҳат қилиши керак.
