Хитойда ўтган кун давомида 23 107 кишида коронавирус инфекцияси аниқланди. Бу ҳақда ТАСС хабар бермоқда.
Қайд этилишича, бу кунлик рекорд кўрсаткич ҳисобланади.
Охирги 24 соат ичида вирусни юқтирган 1323 кишида COVID-19 белгилари (иситма, йўтал, дармонсизлик) тасдиқланган. Улардан 39 нафари Хитойга келган хорижликлар, 1284 нафари мамлакат ичида аниқланган. Энг кўп касалланганлар шимоли-шарқий Гирин (890) ва Шанхай (322) провинсияларида қайд этилган.
Қолган 21 784 киши касалликни симптомсиз ташувчиси бўлиб, улардан 73 нафари хориждан келган, 21 711 нафари мамлакат ичида аниқланган.
