“Forbes” журнали энг ёш миллиардерларнинг 2022 йилдаги даромадларини эълон қилди. Уларнинг умумий бойлиги 25,8 миллиард долларга етган.
30 ёшгача бўлган миллиардерлар рейтингига 12 киши кирди, улардан тўрт нафари мустақил равишда бойлик орттирган. Шундай қилиб, рўйхатни Сем Банкмен-Фрид билан биргаликда FTX криптовалюта биржасига асос солган 29 ёшли америкалик Гари Ванг (5,9 миллиард доллар) бошқарган. Биржа 2019 йилдан буён фаолият юритиб келмоқда, унинг бир кунлик операциялари ҳажми 15 миллиард долларга етиши мумкин. Иккинчи ўринда 27 ёшли Раян Бреслоу Стенфорд университетини ташлаб, Болт онлайн тўлов хизматига асос солган. Унинг бойлиги 2 миллиард долларга баҳоланган.
Педро Франчески ва Энрике Дубургас ҳар бири 1,5 миллиард доллар билан учинчи ўринда. Улар Brex кредит карта стартапини ишга туширдилар, ҳозирда унинг қиймати 12,3 миллиард долларга баҳоланмоқда. 12 ёш миллиардердан беш нафари ўз бойликларини мерос қилиб олган, етти нафари эса ўз бизнесини ривожлантирган.
Маълумки, ўтган йилги 30 ёшгача бўлган миллиардерлар рейтингида 10 киши бор эди, бироқ уларнинг умумий бойлиги 2022 йилдаги гуруҳ ҳолатидан 3,7 миллиардга кўп бўлган.
Tesla ва SpaceX асосчиси Илон Маск “Forbes” талқини бўйича илк марта дунёнинг энг бой одамлари рейтингида биринчи ўринни эгаллади. 11 мартга келиб унинг бойлиги 219 миллиард долларга етди.
