Украинадаги можаро ривожланаётган мамлакатларга нисбатан «жимгина ҳужум» бўлиб, 1,7 миллиард одамни қашшоқликка солиш билан таҳдид қилмоқда. Бу ҳақда БМТ Бош котиби Антониу Гутерриш "Seznam Zpravy" интернет нашрига берган интервьюсида маълум қилди.
"Украинадаги ҳарбий можаро дунёнинг ривожланаётган мамлакатларига нисбатан ҳужумнинг бошланишига айланди. Бу инқироз 1,7 миллиард одамни ўз ичига олиши мумкин, яъни инсониятнинг бешдан биридан кўпроғи қашшоқлик ва очарчиликка дучор қилиши мумкин. Бундай ҳолат сўнгги ўн йилликлар давомида бўлмаган", — дейди БМТ бош котиби.
