Миллий суверенитет ва болалар байрами Туркия Республикасида ҳар йили 23 апрель куни нишонланадиган миллий байрамдир. "23 апрель" деб аталадиган бу кун мустақил, дунёвий ва замонавий Туркия Республикасининг асосчиси Мустафо Камол Отатурк раислигида 1920 йили Анқарада Туркия Буюк Миллат Мажлисининг илк очилиши сифатида эътироф этилади.
Бу янги бошланиш ва болаларни келажак сифатида кўргани учун Отатурк бу кунни болалар кунига бағишлади.
Бу йил ҳам Ғози Мустафо Камол Отатурк бошчилигида миллат иродаси қарори билан ташкил этилган Туркия Буюк Миллат Мажлиси очилишининг 102 йиллиги ҳамда 23 апрель Миллий суверенитет ва болалар байрами кўтаринки руҳда нишонланмоқда.
1920 йил 23 апрелда нима содир бўлди?
1920 йил 23 апрель Мустақиллик уруши даврида мамлакатнинг бир палатали парламенти – Буюк Миллат Мажлиси Анқарада йиғилиб, Усмонийлар империяси тугатилгандан сўнг янги Туркия Республикасининг пойдеворини қўйишни бошлади.
1920 йил 23 апрелда Мустафо Камол Пошшо Анқарадаги Хожи Байрам масжидида жума намозидан кейин Туркия Буюк Миллат Мажлисини очди. 1920 йил 24 апрель, шанба куни Мустафо Камол Пошшо Туркия Буюк Миллат Мажлисининг раиси этиб сайланди.
Ушбу воқеани нишонлаш учун 1921 йил 23 апрелда миллий байрам деб эълон қилинди ва бу янги республикада биринчи давлат байрамига айланди.
