Туркия ҳукумати Россиядан Сурияга учаётган самолётлар учун ҳаво ҳудудини ёпди. Чекловлар фуқаролик ва ҳарбий авиацияга тегишли. Бу ҳақда Туркия ташқи ишлар вазири Мевлут Чавушўғли маълум қилди.
Унинг таъкидлашича, тақиқ узоқ вақтдан бери мавжуд ва Россияга аввалроқ уч ойлик кириш ҳуқуқи берилган. Вазирнинг сўзларига кўра, чекловлар апрель ойида яна кучга киради.
Чавушўғли Туркия телеканали журналистларига маълум қилишича, Туркия Россияга қарши санкцияларга қўшилмаган. Россия томони келишув якунланишини олдиндан билган, бундан ташқари Туркия президенти Ражаб Тоййиб Эрдўғон яқинда Россия расмийларига бу ҳақда яна бир бор эслатган.
“Биз санкцияларда қатнашмайдиган давлатмиз. Ҳар қандай компания Туркияда бизнес қилишни хоҳласа, бизнинг қонунларимиз асосида ҳаракат қилиши керак. Бу халқаро қонунларга мос келиши керак”, деб тушунтирди Чавушўғли ўз интервьюсида.
