Англия Премьер-лигасининг 2021/2022 йилги мавсуми якунланди.
"Манчестер Сити" сўнгги тур баҳсида "Астон Вилла"ни қабул қилди. Кутилмаганда бирмингемликлар икки бор "шаҳариклар" дарвозасини ишғол қилди. Танаффусдан кейин ҳужумларни кучайтирган мезбонлар уч дақиқа ичида кетма-кет голлар уриб, якунда 3:2 ҳисобида ғалаба қозониб кетди. Натижада, "Манчестер Сити" расман Англия Премьер-лигаси чемпионига айланди.
"Ливерпуль" ҳам ўз майдонида "Вулверҳэмптон"ни 3:1 ҳисобида муваффақият қозониб, мавсумни 2-ўринда якунлади.
