Қозоғистонда Тошкентга 21,6 минг доллар билан учиб кетмоқчи бўлган йўловчи ушланди, деб хабар бермоқда Zamon.uz интернет нашри.
Хабарга кўра, Нур-Султон-Тошкент рейсида парвозни амалга ошираётган йўловчи ўзи билан 9 миллион тенгени олиб кетмоқчи бўлган вақтда қўлга олинди.
Қоидабузарликка "Әуежай-Астана" божхона бошқармаси ходимлари МХҚ Чегара хизмати ва Аэропорт назорати хизмати билан ҳамкорликда чек қўйилган.
"Фуқаро Д қўл юкини рентген текширувидан ўтказгандан сўнг, йўловчи юк бўлимига чақирилган. Текширув давомида унинг сумкасидан 21 650 АҚШ доллари (9 миллион тенге) топилган. Мазкур ҳолат юзасидан маъмурий иш қўзғатилди", — дейилади агентлик хабарида.