Журналистлар “Ўзбекистон Республика товар-хом ашё биржаси” акциядорлик жамиятида ун ва ғалла маҳсулотларини очиқ биржа савдоларида сотиш шароитлари билан танишишди.
Ҳозирги вақтда Ўзбекистон товар-хомашё биржаси Марказий Осиёда энг йирик, МДҲда эса энг етакчи биржалар қаторида туради. Замонавий ахборот технологиялари биржанинг фаолият моҳиятини белгилайди. Мутахассислар таъкидлашича, биржада қатнашиш учун фермер ва кластерларда электрон имзо бўлиши кифоя. Ҳозирда ғалла маҳсулотини очиқ биржада сотиш туманлар миқёсига туширилиши таъминланмоқда. Хўш, фермер қандай қилиб биржа савдоларида иштирок этади?
Исломбек ИБРАГИМОВ, бош маклер:
– Фермер Биржага маҳсулот қўйиш учун аввал Савдо саноат палатасида ташкиллаштирилган савдо майдончалари орқали биржанинг веб сайтида рўйхатга ўтади. Сўнг, олди-сотди шартномаси тузилади. Бошланғич нарх ва етказиб бериш шартлари кўрсатилади. Кейин автоматик тарзда фермер учун ҳисоб варақ очилади. Фермерлар бу ҳисоб рақамига маблағ киритади ва биржага маҳсулот қўяди. Савдолар аукцион шаклда ўтказилади. Фермер ўзининг брокери ёрдамида жараёнларда иштирок этади. Харидор битим суммасининг маблағини тўлагандан кейингина унга маҳсулотни тўлик ҳажмда юклаш амалга оширилади.
Ғаллачиликда бозор механизмларини жорий этишда фермерларга қуйидаги имтиёзлар тақдим этилади.
Мазкур вазифаларни ижро этиш доирасида Ўзбекистон Республика товар-хом ашё биржасида зарур шарт-шароитлар яратилган.
Манзура БЕКЖОНОВА
