Шу кунларда Корея Республикасида вақтинча меҳнат фаолиятини амалга ошириш истагидаги фуқаролар учун Тошкент шаҳрида EPS-Topik тест имтиҳонлари бўлиб ўтмоқда. Бу ҳақда Ташқи меҳнат миграцияси агентлиги матбуот хизмати хабар қилмоқда.
Маълум қилинишича, тест имтиҳонларини адолатли ўтказиш учун Корея Республикасининг Инсон ресурсларини ривожлантириш хизмати билан ҳамкорликда барча техник ва ташкилий чоралар кўрилган.
Хусусан, Инсон ресурсларини ривожлантириш хизмати томонидан тест ўтказиш учун махсус планшетлар келтирилган бўлиб, ушбу планшетдаги тест саволлари иштирокчи қиёфаси автоматик тарзда аниқлангандан кейин очилиши (Face ID) тизими ҳам жорий этилган.
Шунга қарамай, бугунги кунга қадар бошқа фуқаро ўрнига тестга кириш ва тестда қўшимча воситалардан фойдаланишга уриниш билан боғлиқ 23 та ҳолат аниқланган.
"Таъкидлаш жоиз, Инсон ресурсларини ривожлантириш хизмати талабларига мувофиқ, тест имтиҳони қоидаларини бузган фуқаро 3 йил давомида ушбу имтиҳонда қатнашиш имкониятидан маҳрум бўлади ҳамда қонунчиликда белгиланган жавобгарликка тортилиши мумкин.
Шу муносабат билан, фуқароларни имтиҳон жараёнида барча тартиб-қоидаларга риоя қилишга чақирамиз", - дейилади хабарда.
01.04.2023, 11:02
Қозоғистоннинг депортация қилинган икки фуқароси Жанубий Кореяда қочиб кетди, деб хабар берди Tengrinews.kz. Маълумотни Қозоғистон ташқи ишлар вазирлиги матбуот хизмати тасдиқлаган.Қозоқларнинг қочиши ижтимоий тармоқлардан маълум...
05.01.2023, 11:34
Жанубий Корея расмийлари КХДРнинг собиқ ташқи ишлар вазири Ли Ён Хонинг қатл этилгани ҳақидаги маълумотларнинг тўғрилигини текширмоқда. Бу ҳақда Рёнхап агентлиги ёзди ва бундай хабарлар...
01.08.2022, 10:54
Шимолий Корея пандемия тугашини маълум қилди. Қайд этилишича, мамлакатда май ойининг ўрталаридан бери биринчи марта янги ҳолатлар қайд этилмади. Баҳор охирида у тўсатдан COVID-19нинг биринчи маҳаллий...
18.01.2022, 23:50
Россия Федерациясининг бир қатор салоҳиятли иш берувчилари томонидан Москва, Санкт-Петербург шаҳарлари, Амур, Новосибирск, Калуга, Тула, Мурманск, Калининград, Москва вилоятлари ҳамда Краснодар ўлкасида Ўзбекистон Республикаси фуқаролари...
