Айни вақтда бундай маҳсулотлар нархининг ошиш хавфи "жуда юқори" деб баҳоланмоқда. Zamon.uz' нашри бу ҳақда хабар бермоқда.
Таъкидланишича, таҳлилчилар жорий йилда Россияга қарши санкцияларнинг кучайтирилиши, Эрон билан ядровий битим тузишдаги қийинчиликлар ҳамда ОПЕК аъзолари ва унинг иттифоқчиларининг эркин ишлаб чиқариш қувватларининг қисқариши фонида нефть нархи ошишини башорат қилмоқда.
IHS таҳлилий ҳисоботига кўра, жаҳон бозорларида таклиф кам бўлган тақдирда бир баррел Brent нефти нархи 2022 йилнинг иккинчи ярмида 135 долларгача кўтарилиши мумкин. Шунингдек, жорий йилнинг учинчи чорагида нархлар бир баррел учун 136,3 долларгача кўтарилиши мумкин. Уларнинг прогнозича, умуман олганда, иккинчи ярим йилликда нефт нархи 135 АҚШ доллари даражасида сақланиб қолади ва йилига ўртача 122 АҚШ долларини ташкил этади.
