Мевлут Чавушоғлу Ўзбекистоннинг Қорақалпоғистонда тинчликни сақлаш учун олиб борган қатъий чора-тадбирларини Анқара қўллаб-қувватлашини маълум қилди

СИЁСАТ 05.07.2022, 07:32
Мевлут Чавушоғлу Ўзбекистоннинг Қорақалпоғистонда тинчликни сақлаш учун олиб борган қатъий чора-тадбирларини Анқара қўллаб-қувватлашини маълум қилди

Бугун Ўзбекистон ташқи ишлар вазири вазифасини бажарувчи Владимир Норовнинг Туркия ташқи ишлар вазири Мевлут Чавушоғлу билан телефон орқали мулоқоти бўлиб ўтди, деб хабар қилмоқда “Дунё” АА.

ТИВ маълумотига кўра, суҳбат аввалида Мевлут Чавушўғли Ўзбекистон томонидан Қорақалпоғистон Республикасида тинчлик, хавфсизлик ва жамоат осойишталигини таъминлаш, ушбу ҳудуднинг барқарор ривожланишини ҳар томонлама қўллаб-қувватлаш мақсадида амалга оширилган қатъий чора-тадбирларни Туркия қатъий қўллаб-қувватлашини билдирди.

Ўзбекистон ва Туркия ўртасида олий даражадаги учрашувларда эришилган келишувларни ўз вақтида ва тўлақонли амалга ошириш муҳимлиги қайд этилди.

Икки ва кўп томонлама шаклдаги режалаштирилган тадбирларнининг ташкилий ва мазмуний жиҳатлари кўриб чиқилди. Шу жумладан, Тошкент шаҳрида ўтказилиши кутилаётган ташқи сиёсат, иқтисодиёт ва транспорт масалалари учун масъул идоралар раҳбарлари даражасидаги "Ўзбекистон – Озарбайжон – Туркия" уч томонлама учрашувига тайёргарлик жараёни муҳокама қилинди.

Шарҳлар

Об-ҳаво: Тошкент
Валюта курси
1