Бу бўйича Президент матбуот котиби Карин Жан-Пьер баёнот берган.
Маълум бўлишича, АҚШ раҳбари бугун тонгда Covid-19' учун синовдан ўтган ва тест ижобий натижани кўрсатган. Қайд этилишича, бу Қўшма Штатлар раҳбарида касаллик аниқланганини акс эттирган иккинчи тест эди.
Маълумотларга кўра, президент тўлиқ эмланган ва бустер дозани ҳам қабул қилган. У ҳозир жуда енгил аломатларни бошдан кечираётгани айтилмоқда. Хусусан, бурун оқиши, заифлик шулар жумласидан.
Энди Байден топширган тестлар салбий чиқмагунча иш масофадан назорат қилинади. Оқ уй эса ҳар куни унинг вазифаларини бажариши бўйича ҳисобот бериб туради.
Раҳбарнинг касалликка чалинишида амалдорлар билан қўл бериб кўришиш сабаб сифатида қаралмоқда.
Эслатиб ўтамиз, Жо Байден коронавируснинг ўта оғир ҳолатларида қўлланувчи Paxlovid’ни қабул қилишни бошлаган.
Дилбар Абдунбиева.