“UzAuto Motors” компанияси биринчи миллий кроссовер "Chevrolet Tracker" автомобилининг сотуви бошланганини расман маълум қилди.
Яъни, автомобиль ихлосмандлари бугундан бошлаб, "Chevrolet Tracker"га шартнома тузишлари мумкин.
Маълум қилинишича, Chevrolet Tracker ихчам кроссовери истеъмолчи талабларининг энг муҳим сифатларни: замонавий дизайн, хавфсизлик, қулайлик, самарадорлик ва тежамкорликни ўзида мужассам этган.
Chevrolet Tracker ўзининг замонавий ташқи кўриниши ҳамда салон интерери шунингдек, GM томонидан ишлаб чиқарилган CSS Prime тежамкор двигатели, ҳамда интеллектуал функциялар ва хавфсизлик тизимлари жамланмаси билан ажралиб туради.
LED ёритгичли кундузги чироқлар замонавийлик ва хавфсизликни янада оширади. Панорамали люк Траcкер салонида кенглик ва эркинлик туйғусини яратади.
Chevrolet Tracker интерери замонавий кўриниш ва бетакрор услубга эга бўлган юқори технологияли, динамик ва тежамкор автомобил эканлиги билан аҳамиятлидир. Янги услубдаги қулай ўриндиқлари узоқ сафарларда ҳам чарчоқ ҳиссини билдирмайди. Замонавий техник хусусиятлар автомобилни бошқаришда янада завқ бағишлайди.
Chevrolet Tracker техник хусусиятларининг муҳим жиҳатлари қуйидагилардан иборат:
1,2 ҳажмли, айланма ҳаракатда 190 Nm ва 132 от кучи қувватига эга замонавий уч силиндрли CSS Prime турбомотор;
6-поғонали автоматик узатмалар қутиси;
аралаш циклда тежамкор ёқилғи сарфи 6.9 л/100 км, шаҳар ташқарисидаги йўлда ҳаракатланиш- 5.6 л/100 км;
Хавфсизликни таъминлаш тизими
паст тезликда автоматик тормозлаш;
кўриниши чекланган жойлар мониторинги;
фаол фавқулодда тормозлаш;
олдинда турган тўсиқлар ҳақида огоҳлантириш;
фронтал тўқнашув ҳақида огоҳлантириш;
6 та хавфсизлик ёстиқчалари.
Қулайлик
яримавтомат (параллел ва перпендикуляр) тўхташ тизими;
ҳароратни автоматик назорат қилувчи тизим (климат контрол);
круиз-контрол;
ақлли калит (smart key) ва двигателни ишга тушириш;
чарм қопламали 3 спицали рул;
ёмғир датчиги;
эко-чармдан ўриндиқлар қопламалари;
симсиз зарядлаш;
8 дюмли сенсор дисплейга эга мултимедиа тизими (Apple CarPlay va Android Auto);
тўлиқ светодиод оптикаси ва LED орқа габарит чироқлар.
Алоҳида таъкидлаш жоизки, 2023 йилдан бошлаб Chevrolet Tracker қўшимча опциялар: ташқи ойналарни иситиш тизими, олд ўриндиқларни иситиш, ойна тозалагич (дворник) атрофини иситиш, иккинчи орқа қатор ўриндиқлари иситиш тизими, электр механизмга эга ҳайдовчи ўриндиғи, рул иситиш тизими, ҳимоя картери ва "Redline" пакетида тақдим этилади.
Chevrolet Tracker автомобилини “UzAuto Motors”нинг расмий сайтида номлари келтирилган авторизациядан ўтган дилерлик марказларида сотиб олиш мумкин. Шунингдек, ушбу дилерликларда автомобиль билан танишиш ҳамда техник хусусиятларини ўрганиш учун тест-драйв ҳам мавжуд.
Chevrolet Tracker
- Бошланғич комплектация*: 179 000 000 сўм;
- ЛС комплектация: 209 000 000 сўм;
- ЛТЗ комплектация: 229 000 000 сўм;
- Премиер комплектация: 249 000 000 сўм.
* Бошланғич комплектациядаги автомобилни сотиб олиш истагини билдирган харидорлар ваколатли дилерлик марказлари ёки info@uzautomotors.com электрон манзилига ариза қолдиришлари лозим. Етарли миқдордаги аризалар тўплангандан сўнг, компания ушбу автомобил ишлаб чиқарилишини белгиланган тартибда ўрганиб чиқади.
Батафсил маълумот олиш учун компаниянинг расмий дилерларига ҳамда cалл-cентер телефон рақамларига мурожаат қилинг:
(+998) 78–141–77−77.
