Ҳозиргина Владимир Путин Самарқандга етиб келди, дея хабар бермоқда "darakchi.uz" мухбири.
Маълум қилинишича, бугун Самарқандда Шанхай ҳамкорлик ташкилоти саммити доирасида Россия президентининг қуйидаги учрашувлари бўлиб ўтади:
▪️ Ўзбекистон Президенти Шавкат Мирзиёев билан
▪️ Қирғизистон Президенти Садир Жапаров билан
▪️ Туркманистон Президенти Сердар Бердимуҳамедов билан
▪️ Эрон Президенти Иброҳим Раиси билан
▪️ Покистон Бош вазири Шаҳбоз Шариф билан
▪️ Хитой раиси Си Сзинпин билан
Ва у Россия-Мўғулистон-Хитой уч томонлама саммитида иштирок этади.
Жума куни Путин Туркия президенти Ражаб Тоййиб Эрдўғон, Ҳиндистон бош вазири Нарендра Моди, Озарбайжон президенти билан икки томонлама учрашувлар ўтказади.
